Natur land
Når snøen ligg lenge utover sommaren, oppstår heilt eigne naturmiljø i fjellet. Desse områda, kalla snøleiger, husar artar som er tilpassa korte vekstsesongar, stabile snøforhold og fuktig jordsmonn. Når is og snø smeltar, blir dei også stadig viktigare som indikatorar eller teikn på korleis klimaendringane påverkar naturen i Vestnorsk fjordlandskap.
Fossane er blant dei viktigaste attraksjonane i fjordlandskapet. Kvart år tek millionar av menneske bilete av dei enorme vassmassane som fossar ned fjellsidene. Få er klar over at det i det konstante sløret av vatn som omgir desse mektige fossane finst ei unik og svært sårbar verd som myldrar av liv.